【機電青少年大使計劃八月份STEM工作坊 — 電動扶手電梯】
今個夏天咁熱……如果想避暑究竟去邊好？相信各位小小工程師第一時間都會諗到同屋企人去商場行街睇戲食飯啦！大家又知唔知道喺商場入面嘅升降機同扶手電梯原來都係由機電工程署規管㗎呢？扶手電梯大家就乘搭得多，你哋又有冇了解過扶手電梯嘅運作原理呢？今期STEM工作坊我哋會同大家製作屬於自己嘅扶手電梯，另外仲會有機電署嘅工程師分享，咁大家就可以學習到扶手電梯嘅運作原理同安全守則啦！
事不宜遲，仲唔立即報名？今次STEM會為參加者提供埋材料包，會員可以足不出戶就參加到咁精彩嘅活動。仲唔快啲叫埋朋友仔一齊報名參加！
喺活動完結之後，我哋會挑選一啲精美嘅作品，放喺EMYA Facebook嘅專頁上。如果你嘅作品最後獲選的話，就有機會收到精美小禮物一份㗎啦！
日期：2022年8月19日 (星期五)
時間：下午二時正至四時正
形式: 線上以Zoom形式進行
對象: 9至17歲EMYA會員
費用: 全免
名額有限，報名從速！
報名方法
- 參加者必須註册成為機電青少年大使 (按此註冊)
- 會員登入後，請按下面的「參加」按鈕以提交申請
- 請到EMYA Facebook專頁「讚好」及「追蹤」 (請按此)
- 如對活動有任何查詢，可致電 3757-6162
留意截止報名日是2022年8月7日 (星期日)
結果公布
會員可於2022年8月8日 (星期一) 起登入「會員天地」查閱結果，並會以電話及電郵通知結果
條款及細則
- 請確保閣下的會員資料正確，以便工作人員通知聯絡。
- 大會將以電郵通知參加者該次活動的ZOOM登入編號及密碼。
- 工作坊將以廣東話授課。
- 如未有通知而不參與活動，閣下在下次申請參與活動時的優先次序將會被調整。
- 本署保留結果最終決定權及不設上訴機制。
- 線上參與者需確保閣下的電腦及網絡穩定。
- 線上參與者請提前30分鐘登入活動所提供的網址，以作準備。
- 線上工作坊所需的材料包將會以速遞形式給予參與者，請確保聯絡電話及寄送地址準確。如資料有誤，將不設補寄。
機電工程署有權使用所有活動照片及用作宣傳用途。