機電青少年大使STEM五月份工作坊開始接受報名喇！

踏入五月，天氣開始熱起嚟。有冇咩清涼嘅法寶呀？ 今次嘅STEM工作坊主題，係集實用、學習同趣味於一身嘅夏天法寶 – USB無扇葉電風扇！ 相比一般有扇葉嘅電風扇，無扇葉電風扇除咗喺外觀設計上更加美觀時尚、能節省擺放空間之外，喺使用上亦會更加安全。不過，除左呢啲之外，各位小小工程師仲知唔知道，佢哋有咩分別呢？喺今次嘅工作坊，我哋就會帶大家了解電風扇嘅運作原理，仲會同大家講解一下，家用電氣安全嘅常識添！

事不宜遲，仲唔立即報名😝？今次嘅STEM工作坊設有上午同下午兩個時段。不過，每位會員都只可以揀其中一場報名㗎喳！報名時，請記得揀清楚最適合自己嘅時段呀！我哋仲會為參加者提供埋材料包📬。會員可以足不出戶，就參加到咁精彩嘅活動。仲唔快啲叫埋朋友仔一齊報名參加👫💁🏻！

喺活動完結之後，我哋會挑選一啲精美嘅作品，放喺EMYA Facebook嘅專頁上。如果你嘅作品最後獲選的話，就有機會收到精美小禮物一份㗎啦💁🏻！

活動詳情:
日期: 2022年5月14日 (星期六)
時間: 上午10時 至 正午12時 及下午2時至4時
形式: 線上以Zoom形式進行
對象: 6至11歲EMYA會員
費用: 全免
名額有限，報名從速！

留意截止報名日是2022年4月28日 (星期四)

報名方法
1. 參加者必須註册成為機電青少年大使 (按此註冊)
2. 會員登入後，請按下面的「參加」按鈕以提交申請
3. 請到EMYA Facebook專頁「讚好」及「追蹤」 (請按此)
如對活動有任何查詢，可致電 3757-6162

結果公布
結果將於2022年5月3日 (星期二) 起以電郵及電話通知

條款及細則
• 請確保閣下的會員資料正確，以便工作人員通知聯絡。
• 大會將以電郵通知參加者該次活動的ZOOM登入編號及密碼。
• 工作坊將以廣東話授課。
• 如未有通知而不參與活動，閣下在下次申請參與活動時的優先次序將會被調整。
• 本署保留結果最終決定權及不設上訴機制。
• 線上參與者需確保閣下的電腦及網絡穩定。
• 線上參與者請提前30分鐘登入活動所提供的網址，以作準備。
• 線上工作坊所需的材料包將會以速遞形式給予參與者，請確保聯絡電話及寄送地址準確。如資料有誤，將不設補寄。
• 線上參與者需自備顏色筆、剪刀、膠紙、雙面膠紙及膠水等物資以進行活動。